مراتي

هخليك تعمل اللي عايزه في اي وقت تحبه بس في دوا كده هتروح تجيبه ليا من الصيداليه
علي
هو انا كمان هصرف علي مرضك يا وليه بقولك ايه انا كفايه اووي الفلوس اللي هديهالك يا حسنه ومن غير ما اعملك قيمه كمان
حسنه
سلامتي من المړض يا اخويا شالله اللي يكرهني انا قصدي تجيب دوا كده منوم وانا هحطه ليها في الاكل او اي حاجه بتشربها واول ما تروح البت في النوم تعالي انت وانا اخد البت من جنبيها واعمل اللي عايزه
علي
تفكير شياطين بحق وحقيقي انا موافق هجيبلك الدوا ده دلوقتي والليله تنفذي اللي انا عايزه
حسنه
جهز فلوسك وانا هجهزلك اللي انت عايزه بس تيجي وقت ما اقولك عشان البت غاده تكون هي كمان نامت وما تحسش بحاجه
علي
يبقي اتفقنا يلا السلام عليكم انا
وهو وطالع شااف شهد راجعه من بره فبصلها من فوق لتحت وقال
علي
ده ايه الصدفه الحلوه دي يا شهد عامله ايه واخبارك ايه
شدت شهد طرحتها لتحت وهي مدايقه من نظراته ليها وقالت
شهد
الحمد لله يا استاذ علي بعد اذنك بس عايزه ادخل
علي
اتفضلي يا غاليه انا مش عارف بس ايه اللي مصبرك علي الحال ده يعني جوزك سايبك ومسافر وامه بتعاملك ولا الشغاله عندها
شهد
هو انا كنت اشتكيتلك يا عمم ما تخليك في حالك وخليك كده محضر خير بدل كلامك اللي مالوش لازمه ده وانا بحب جوزي يا استاذ علي وبعشق التراب اللي بيمشي عليه وعشان خاطره انا هتحمل امه وكل حاجه كمان ارتحت كده
قالت كلامها وسابته ودخلت وهو قال بغيظ
مااشي يا شهد زمان رفضتيني واختارتي يوسف برغم اني اغني واحلي منه وبعظ ما رماكي لامه اهو تبيع وتشتري فيكي برضو مشترياااه وبيعاني انا يبقي تستاهلي كل اللي انا هعمله فيكي
وبالليل كانت شهد بتغير لبنتها ودخلت عندها حسنه وهي ماسكه كوباية عصير وقالت
حسنه
خدي يا بت يا شهد اشربي العصير ده انا عملتلك انتي والبت غاده معايا
شهد
عصير وانتي اللي عملااه يا حماتي هما بقي بيوزعو السكر والفاكهه ببلاش ولا ايه وحتي لو بيوزعوها ببلاش انتي ازاي برضو ما بعتيهاش ولخدتي فلوسها
حسنه
تصدقي انا غلطااانه يا بت اني بفكر فيكي شالله عنك ما طفحتيه
شهد
استني بس يا ماما ده انا بهزر معاكي هاتي العصير وتسلم ايدك هغير لفىح وانيمها واشربه
حسنه
طيب وانا كمان رايحه انام والبت غاده ناكت عشان شغلها اللي عندها الصبح ده يلا تصبحي علي خير
شهد
وانتي من اهل الخير يا ماما
طلعت حسنه وشهد قالت
سبحان ومغير الاحوال ربنا بهديكي يا حماتي وتفضلي كده علي طول
وغيرت شهد لبنتها اللي نامت وبعدين شربت العصير وكانت هتقوم تقفل النور بس ما حستش بنفسها ووقعت فاقده الوعي وبعد شويه دخلت عندها حسنه وشالت بنت ابنها وراحت اوضتها وكلمت علي في الفون وقالتله
حسنه
ايوه يا واد يا علي الخطه ماشيه زي الفل يلا اطلع واوعي حد يشوفك وما تخبطش علي الباب احسن البت غاده تصحي رن عليا اول ما توصل عند الباب وانا هفتحلك
علي بحمااس
طيب وانا طالع اهو علي طول مش هتأخر انتي متأكده يا ام يوسف انك نفذتي كل حاجه صح
ام يوسف
ايوه متأكده يلا خلصني احسن انا البت صعبانه عليا وو
علي
بقولك ايه يا حجه حسنه اللي يصعب عليك يفقرك واحنا فيها وانا ممكن ما اطلعش وانسي الفلوس اللي كنت هديهالك سواء مني او من ابنك وانا هدي بعد كده كل اللي يبعته لمراااته
حسنه
يوووه اتنيل اطلع خلاص الدنيا هنا متظبطه زي ما انت عايز
وطلع فعلا علي ودخل