جوزي كان مفهمني انه مسافر شغل..

جوزي كان مسافر ولسه راجع النهارده من السفر زي ماكان مفهمني
اهلا انا هالة ام لولد وبنت متجوزه من 5سنين انا زي اي ست بدأت مع جوزي حياته وهو علي باب الله فضلت مستحمله وكنت دايما جمبه لحد مااشتغل في شركه محترمه وبقي ليه وضعه كنت بشيل في نفسي واسكت واقول بكره تفرج كان ليا حماتي ست طيبه كنت شيلاها هي وابنها فوق رأسي بس بعد مامسك شغله ده والفلوس ابتدت تجري في ايده بدء يتغير كل يومين سفريه شكل ولو موجود عنده شغل بيتاخر فيه مع انه في الاول كان بيرجع بدري
سفريه المره دي مطولش فيها بس راجع مش طايقني ولا طايق ولادنا

فوقت من تفكيري علي صوت موبايله بيرن مسكته ولسه رايحه اقرء الاسم لقيته شده مني بعصبيه وخباه وقالي انتي عبيطه انتي ايه ال خلاكي تمسكيه الموبايل بتاعي
استغربت ليه كل العصبيه دي عشان بس مسكت الموبايل وقولتله عادي يعني ياحبيبي انا افتكرتها طنط كنت هرد عليها ايه ال معصبك كده
بصلي وسكت وسابني ودخل اوضتنا بعديها انا فضلت واقفه مكاني بفكر ايه سبب عصبيته دي وايه الحاجه ال مش عاوزني امسك الموبايل عشانها وطبعا زي زي اي واحده الفضول ھيقـ..ــتلها انها تعرف استنيت لحد بليل لما نام ومسكت موبايله حاولت افتحه كتير لحد مااخيرا اتفتح وياريته مااتفتح فتحت الواتس وشوفت شات لفت نظري فتحته بس لقيت ال عمري ماكنت اتخيل الاقيه شات مقرف
زوجي
مشهد 2 والاخير
دماغي وقفت عن التفكير بقيت حاسه اني عاجزه مش
قادره افكر بعد ماضحيت بعمري وكل حاجه عشانه
واستحملته وشيلت همه في اصعب وقت ردلي كل ده
اعمل ايه واروح فين طب اواجهه ولااسكت
وبعد تفكير قررت للاسف اني اسكت عشان مخربش
بيتي وقررت اتعامل عادي اكني مشوفتش حاجه مش
عارفه كنت بفكر ازاي وقتها بس كل تفكيري انها اكيد
مجرد نزوه وهيرجعلي تاني بس طلعت غلطانه يوم بعد
يوم بيبعد عني اكتر وعن ولاده يوم ورا يوم بيتغير اكتر
لحد مافاض بيا خلاص
كان مسافر في يوم ولسه رايح يمشي قولتله من

غير
ماافكر لو بتحبها اتجوزها معنديش مانع انك تتجوزها
وقف وبصلي وقالي تقصدي مين !!
قولتله قصدي ال سبتني انا وولادي عشانها ال بقت
وخداك مننا اتجوزها
في

قرآنك انه حرام يازوجي المحترم
بصلي واتعصب وقالي متجيبيش سيرتها علي لسانك
انتي سامعه
وكانت دي النقطه ال خلتني اڼفـ..ـجر فيه بعد ماكنت
مطيعه ليه كل الوقت اڼفجـ..ـرت فيه ومهمنيش لا مش
سااااامعه انت ايه يااخي جبله مبتحسش ايه القرف ال
انت فيه ده لو مش همك فكر في ولادك فكر في بنتك
ال ممكن في يوم حد يعمل معاها كده
فكر فيا انا ال ضحيت بكل حاجه
عشانك وكنت جمبك علي المره قبل الحلوه واول مابعت
بعتني !!!عشان مين
ضربنني !! رفع ايده عليا لاول مره في حياته يضـ..ـربني
عشانها انا مكنتش مصدومه اووي قد مااتصدمت بال
قاله بعدها ال بتتكلمي عنها دي زيك زيها هي كمان
مراتي فاااهمه ومسمحلكيش تغلطي فيها
بصتله بدموع وقولتله يبقي تطلقني انا مستحيل اعيش
مع واحد زيك ولا حتي اامن علي نفسي وانا معاك
طللللقني
لتالت مره اټصـ..ـدم النهارده وصدمه اكبر من الاتنين ال
فاتوا لما نطقها بكل سهوله انتي طالق
سابني ومشي سابني بعد كل حاجه بينا سابني عشانها
لمېت هدومي وهدوم ولادي ومشيت روحت قعدت انا
وولادي في شقة امي الله يرحمها قررت افوق لنفسي
واشتغل عشاني وعشان عيالي وفعلا اشتغلت يوم ورا
يوم ورا يوم وبقيت بكبر في شغلي لحد ماجالي ترقيه اني
ابقي مدير عام في فرع من فروع الشركه ووافقت وكان
اليوم ال اتعينت فيه هو نفسه اليوم ال عرفت ان ال
سابني عشانها خدت منه كل حاجه وهـ..ـربت حسيت
بفرحه غريبه مش شمتانه بس فرحانه لان ربنا وقف
جمبي وجابلي حقي
قعدت علي مكتبي ودخل هو واتفاجئ اني المديره
الجديده ااه صح نسيت اقولكم اني اتعينت في نفس
الشركه ال هو بيشتغل فيها بس كان في فرع تاني ولما
اترقيت روحت الفرع ال هو فيه المهم مش قادره
اوصفلكم شكله كان عامل ازاي لما شافني وسالني
انتي بتعملي ايه هنا
انا رديت بمنتهي البرود شئ ميخصكش يااستاذ
وبعدين ايه انتي دي هو انا بلعب معاك ولاايه اتفضل
علي شغلك
اول مره اشوف دموعه قالي سامحيني ياهالة انا كنت
غبي سامحيني وخلينا
نرجع عشان ولادنا علي الاقل
النهايه مفتوحه لو انتي مكان هاله هتسامحي ولا لا