جاتلي ورقة من محضر اني مطلوبة لبيت الطــ..ـــاعة وانا فرحي اليوم !!

مضيتى وبصمتى كمان وبدأت انا خطتى كنت اعرف واحد بيشتغل فى المحكمه الى قدر يجبلى حكم محكمه بكل سهوله ماهى الفلوس ياما تعمل وانا بفلوسى مشيت الموضوع كله وخدت حكم المحكمه وحطيت عليه اسمك واسمى وبعتهولك مع واحد من طرفى عشان اسبك الدور عليكى وفعلا دخلت عليكم كلكم واترعبتى وجيتى برجليكى ولسه ماكنتش خلصة خطتى كان لازم اټخانق مع اخوكى عشان اخليه يضربنى واروح اعمله محضر بسرعه عشان الهيكى فيه واشل تفكيرك ومااخلكيش تقولى اشتكى وفعلا حصل الى كنت مخططله اخوكى ساعدنى كتير لما عصبته واتعصب بسرعه وضربنى وعملتله محضر وبكده خليتك وحيده وانتى بتواجهينى شليت تفكيرك وشليت حركتك وجبتك لحد باب بيتى وهو ده الى ماكنتش عايز اكتر منه كنت عايز اخليكى تباتى عندى فى بيتى ولو ليله وحده بس عشان اكسر عينك قدام الناس لو فكرتى تبلغى انا كنت هتسجن عادى ماكانتش هتفرق معايا
والناس كانت هتنسى كل الى انا عملته لكن عمرهم ماكانو هينسو انك نمتى فى بيت راجل غريب وانتى مش متزوجاه وكنتى هتعيشى عمرك كله انتى وعيلتك راسكم فى الطين
ماكنتش مصدقه إلى بسمعه وكانى بحضر فيلم فى السينما قسيمه وجواز وحكم وقضيه وحاجات كتير ماكنتش قادره استوعبها أن فى انسان يقدر يعمل كده وعشان اى ده كله مااعرفش اتظلمت واتذليت واتكسرت واتقال عليه خدامه عشان عملت اى برضو مااعرفش وفى النهايه قلتله خلاص تيجى معايا قدام اهلى وتقول إلى قلتهولى دلوقتى وتبرءنى قدامهم عشان يكون ليه عين اعيش معاهم تانى
ضحك هو بصوت عالى وقلى انتى مجنونه اقول اى اقول انى زورت عشان اتسجن وعشان اى عشان خاطرك انتى ده انا كنت عايز انتقم منك عايزانى دلوقتى اقف معاكى انتى بتحلمى أو بتتخيلى ده مستحيل اعمل كده مش عارفه ليه في اللحظه دى نزل عليه برود شديد وانا بتكلم وانا مستسلمه زى مااكون بدبح والكل واقف يتفرج عليه وقلتله خلاص بلاش تعترف اجوزنى بجد عند ماذؤن وبعدين طلقنى وخلى فى أيده ورقة طلاق عشان اقدر اعيش مع الناس
قلى برضو لاء مش هجوزك لو اخر وحده فى الدنيا مش هساعدك قلتله يعنى لا هتعترف بالى عملته ولا هتجوزنى قلى ايوه عشان كده يبقى خدت حقى منك انا وعيلتى كلها
صړخت انا زى المجنونه وقلتله حق اى فهمنى بقى عملت فيكم اى عشان استحق يتعملو فيه كده تدمرو حياتى واعصابى بالشكل ده عايزه اعرف الحقيقه ودلوقتى خالد وقف قصادى بكل شموخ وتحدى وقلى هتعرفى كل حاجه ونده وقال باعلا صوته يازياد تعالا
اول انا ماسمعت اسم زياد كانى كنت فاقده الذاكره ورجعتلى فى اللحظه دى خرج زياد من الاوضه وانا اول ماشفته رجعت لورا وكانى شفت عفريت وافتكرت كل الى انا عملته يتبع
اول ما شفت زياد رجعت انا لورا وكانى شفت عفريت وبدأت افتكر
من اول مااتخطبت فى الاول كنت موافقه ومقتنعه وفرحانه وبعد شويه لقيتنى مش قادره احبه ولا اقبله فرحت لابويا وقلتله انى عايزه افسخ الخطوبه قلى بسهوله كده عايزه تفسخى انتى اكيد مجنونه انتى عارفه ده كام واحد تتخطبيله وتفسخى
ده التالت غير الا كنا بنقرا الفاتحه وسيادتك بترجعى فى كلامك زى العيال ده انتى بقيتى شحطه كبيره الى فى سنك اتجوز وخلف كمان اخر كلام عندى هتجوزيه يعنى هتجوزيه ومش عايز اسمع صوتك تانى كفايه دلع بقى لحد كده
كل مااقله مش هجوزه يقلى هتجوزيه ورجلك فوق رقبتك وورينى بقى هتعترضى على كلامى ازاى
كنت ھموت كل مااتخيل نفسى انى هجوز واحد زى ده مش قادره اقبله نهائى
كل مااقول لامى اتصرفى تقلى مش هقدر اعملك حاجه المره دى ابوكى مصمم على جوزك مهما عملتى
كل مااقول لاخواتى الاولاد يقلولى مانقدرش نقف قصاد ابوكى انتى عارفه كويس لما يقول على حاجه لازم يعملها وبصراحه انتى زودتيها قوى بدلعك المايص ده
اخر مازهقت قلت لخطيبنى انى مش بحبه ولا قادره احبه وياريت يروح لابويا ويقله أن هو إلى عايز يفسخ الخطوبه يقلى مااقدرش اعمل كده عشان انا بحبك وبكره لما نجوز اكيد هتحبينى
ولقيت كل السكك فى وشى اتقفلت ومحدش راضى يقف معايا
وفى يوم كنت ماشيه فى الشارع وانا سرحانه وبفكر كيف افشكل الجوازه دى وفجاءه خبطت فى زياد كان ماشى قدامى
—
غصبن عنى وهنا بقى لعب الشيطان فى عقلى وقلت بس فرصه وجت لحد عندى زعقت فيه وقلتله انت حيوان ومعندكش اخلاق أنت قاصد تخبطنى
وهو يقلى والله ماقصدى حضرتك الى ماشيه سرحانه وخبطى فيه
اقله انت مچنون انت الى خبطنى أنت قاصد كده انا لازم اسجنك واربيك
يقلى تسجنينى ليه هو انت قربت منك ولا عملتلك حاجه قلته وكمان بتنكر وبدأت اصړخ والم الناس عليه واقلهم امسكوه ده پيتحرش بيه
زياد اول ماسمع الكلمه وقف بلم وقال اى الكلام ده انا راجل بتاع ربنا مجوز وعندى عيال ومحترم ومستحيل اعمل الى انتى بتقولى عليه اكيد انتى مجنونه
وانا اول ماسمعت كلمة مجنونه وسقت فيها على الاخر وقعدت اعيط واصړخ واقول انا عايزه حقى من الراجل ده وربنا ماهسيبه
الناس بعد كده خدتنى وخدته وطلعو بينا على قسم الشرطه وهناك عملتله محضر ودخلته الحبس واتصلت بابويا وقلتله على الى حصل ابويا اول ماسمع اجه يجرى وهو بيقول لازم اقتله وخواتى الاولاد كانو متعصبين قوى وقالو لو مسكناه فى ايدنا هنقطعه وقومت الدنيا حريقه وقلت انا عايزه حقى وزياد يقول وربنا ماعملتلها حاجه وانا برضو اقول مش هسيبه وهاخد حقى منه
وتانى يوم اجه محامى زياد عندنا وقال ياجماعه بلاش شوشره على موكلى وعلى بنت حضرتكم موكلى راجل محترم وعنده عيله كبيره فى الصعيد وكمان مجوز وعنده بنات وانا اقول ابدا مش هسيب حقى والمحامى يقول اى الى يرضيكم
نعمله اقله الى يرضينى انى اسجنه وياخد جزاءه المحامى خد ابويا على جنب وقله مش من مصلحتك ولا مصلحة بنتك أنها تمشى فى القضيه لأنها هتضرر وهتبقى سمعتها على كل لسان وانت عارف كلام الناس وبالذات فى قضيه زى كده الكلام بېقتل حتى لو بنتك مظلومه هتسمعو كلام كتير
وانا اقول برضو مش هتنازل عن حقى وهبحسه وهخليها قضيه
ابويا فكر فى كلام المحامى وحاول معايا كتير انى أتنازل وانا اقله ابدا مستحيل هخد حقى يعنى هخد حقى
ابويا كان قرب يجنن وهو بيقلى دى هتبقى بصمة عار للعيله كلها اقوله ماليش صالح مايهمنيش وفين وفين وبعد محاولات كتير من ابويا إنى يقنعنى انى أتنازل
قلتله أتنازل بس بشرط انى افسخ الخطوبه ابويا قلى فى ستين داهيه عنك مااتجوزتيه خليكى قاعده جنب امك وانا اضحك من جوايا وصلت للى كنت عايزه عرف اضغط على ابويا واخليه يفشكل الخطوبه ورحت اتنازلت عن المحضر الى عملته فى زياد وفشكلت الخطوبه
وفى يوم كنت بكلم وحده صحبتى واحكيلها على كل الى حصل فابويا كان معدى بالصدفه من قدام باب اوضتى وسمعنى وانا بقول لصحبتى ايوه انا كنت مجنونه لما فكرت اعمل كده بس اعمل اى كنت عايزه اخلص من خطيبتى بأى شكل فلما خبطت فى زياد الشيطان هنا لعب فى عقلى اللحظه
دى وخلانى اعمل الى عملته اتبليت عليه واتهمته زور عشان اكهرب البيت كله وساعتها بقى احط رجل على رجل واتشرط زى ماانا عايزه كنت عارفه ان ابويا خواف ومايحبش الشوشره وخصوصا حاجه زى كده العيله كلها كانت هتتاثر بيها ومحدش كان هيقدر يستحمل محاكم وقضايا بالشكل ده دى نقطة ضعف ابويا إلى لعبت عليها ونجحت فيها وخلاص الحكايه خلصت ومحدش اضر كنت عماله اتكلم واضحك وانا فرحانه قوى بالى عملته
وفجاءه ابويا خبط الباب برجله وقلى ماكنتش اتخيل أن ضميرك يسمحلك تعملى كده كنتى هتسجنى واحد مظلوم لمجرد انك تريحى نفسك ياجبروتك ياشيخه بس على العموم انا الى اتحمل كل حاجه عشان دلعتك بزياده ونفذتلك كل طلباتك وماكنتش بعترض على كل الى بتعمليه مش مسامحك ياسميه لحد ما اموت وسابنى وخرج وطلعت أجرى انا على امى وحكتلها كل حاجه وقلتلها تقف معايا وتخلى ابويا يسامحنى خلاص الى حصل حصل ومحدش اضر فى الموضوع ده واتنازلت عن المحضر والحكايه خلصت ولا كأنها حصلت من اصلو صعبت على امى وانا بتكلم وانا متاثره وراحت لابويا وضغطت عليه يكلمنى بس هو مارضيش وفين وفين لما بدا يصفالى شويه بشويه لحد ماخليته بهزارى ودلعى عليه يضحك فى وشى ويكلمنى وينسى الى حصل كله وانا كمان نسيت الى حصل وعشت حياتى طبعيه زى الاول وكان ماحصلش حاجه خالص
خالد قرب منى هنا وقلى اكيد دلوقتى افتكرتى عملتى اى لكن انا اكملك الحكايه