اتجوزت واحد عبيط
واتعشوا هما الاتنين وحبيبة لاحظت اد ايه يوسف انسان محترم جدا ورقيق في معاملته وفهمت انه انسان طبيعي عقليا بس مشكلة الاعصاب دي اللي متلخبطة الدنيا معاه وغيرت هدومها ونامت علي السرير ويوسف نام علي الكنبة واول ما صحي يوسف بص عليها هي ونايمة و شاف انها جميلة جدا عامله زي الاميرات هي ونايمة واكتر حاجه عجبته فيها صراحتها وانها اتكلمت معاه من غير نفاق عشان فلوسه زي ناس كتير ما بتعمل
وفضل يبص عليها فترة كبيرة وتقريبا اعجب بيها ونزل قعد تحت مع ابوه
زاهر
ايه رايك في عروستك انا قولتلك انها كويسة وانسانة محترمة جدا
يوسف
بس هي كانت تستاهل واحد احسن مني ابوها غصبها علي الجوازة والبنت متعلمة وجميله جدا مش انا اللي مفروض يكون متجوزها
زاهر
ليه بتقول كدا انت احسن واحد واطيب قلب في الدنيا وعمرك يا ابني ما كهرت حد وبتحب الخير للناس وبتساعد الناس كلها عشان ربنا يبقي تستاهل احسن حاجة وتستاهل انك تعيش حياتك زي اي انسان لانك احسن انسان محترم
يوسف
يا بابا ما نضحكش علي بعض انت عارف حالتي كويس ولسة قدامي فترة علاج طويلة لية تظلم واحدة
انها تتجوزني عصب عني
زاهر
انت خلاص قربت تخف وبعدين انا ماظلمتش حد يا ابني انا جوزتها لاحسن راجل في الدنيا
يوسف
عشان انا ابنك لازك تشوفني كده بس غيرك مش هيشوف كده انت بتشزفني بقلبك وبس
في الوقت كانت حبيبة بتسمع الكلام ده وهي واقفة من برة من غير ما حد ياخد باله منها و حسيت ان يوسف هي اللي ظلمته بانها قالت عبيط ومتخلف ودخلت عليهم
حبيبة
صباح الخير يا استاذ زاهر ايه يا يوسف ما صحتنيش ليه لما صحيت
يوسف
سيبتك نايمة وبعدين اهو انتي صحيتي نفطر كلنا سوا بتحبي تفطري ايه اخلي الطباخ يعملهوك
زاهر
وانت مالك يا يوسف هي دلوقتي صاحبة البيت اللي هي عايزه تقول عليه وتعمله براحتها وبعدين ما فيش يا استاذ زاهر دي انا من هنا ورايح تقوليلي يا بابا زيك زي يوسف ابني
حبيبة وعينيها مليان دموع
حاضر قولي هو في علاج هتاخده الاول قبل الاكل
يوسف
هاوريك كل حاجه وهاعرفك نظام العلاج بتاعي بس الاول نفطر وبعدين هتعرفي كل حاجة وصحيح والدتك جاية تطمن عليكي هابعدلها اليواق يجبها
وبعد ما فطروا يوسف خلي حبيبة تعرف نظام علاجه وطريقته وان اغلبه علاج طبيعي ومقويات وجات والدتها وكانت هي ويوسف قاعدين سوا
حبيبة
تعالي يا ماما وحشتين اتاخرتي كده ليه
دا انا ويوسف من بدري مستنيك
يوسف
نورت بيت بنتك انا هاسيبكم يا حبيبة شوية
وياريت حضرتك تقضي اليوم معانا بعد اذنكم
ام حبيبة بصلته باستغراب
